531
Конечно убедлив триумф и одлична игра на Манчестер јунајтед, Лестер го нанижа и четвртиот пораз по ред во Премиерлигата.
Резултатот беше отворен во 42. минута кога Мхитарјан претрча половина терен и ја смести топката зад грбот на Шмајхел за водство на Манчестер јунајтед од 1-0.
Само две минути подоцна по асистенција од Валенсија, Златан Ибрахимовиќ го зголемува водството на 2-0.
Конечните 3-0 ги постави Хуан Мата по едно одлично двојно проигрување со Мхитарјан.
Со овие три бода Манчестер јунајтед дојде на еден бод до Ливерпул и на два до четвртопласираниот Арсенал. Лестер е 16. со само бод над зоната за испаѓање.