Шпанскиот медиум „Дон Балон“ пишува дека Герет Бејл му соопштил на Лука Модриќ дека сака да го напушти Реал Мадрид и да се врати во Манчестер јунајтед.
Реал Мадрид би прифатил соодветна понуда за Бејл бидејќи сака да направи место за Килијан Мбапе кој веќе му соопшти на Монако дека сака да го промени клубот.
За тој да дојде во Реал Мадрид, потрено е една од ѕвездите во офанзивата, Роналдо, Бензема и Бејл да си замине. Изборот секако би бил на велшкиот фудбалер.
Рунда преговори помеѓу Манчестер јунајтед и Реал Мадрид за Герет Бејл се очекува да се случи во Скопје, кога двете експедиции ќе бидат во македонскиот град поради престојниот Суперкуп дуел.
Со оглед на периодот се очекува разговорите во Скопје да бидат клучни, по нив би требало да се знае дали Герет Бејл ќе потпише за Манчестер јунајтед или уште една сезона ќе остане на Бернабеу.
Проблем може да преставува фактот што Реал Мадрид го посакува Давид де Геа, па ако „кралевите“ инсистираат и тој да биде вклучен во зделката, тешко дека ќе падне договор.
Во наредните денови ќе се знае дали Герет Бејл ќе биде последното, четврто засилување на Жозе Мурињо во летниот преоден рок.