Тренерот на ПСЖ е во неверување од тоа што се случи на вчерашниот натпревар од Лигата на шампионите, како неговиот тим успеа да го загуби мечот со Ливерпул.
ПСЖ имаше тотална доминација на натпреварот, а Ливерпул само се бранеше. Францускиот шампион упати дури 27 шута од кои 10 завршија во рамките од голот на Алисон кој имаше неверојатна вечер и беше прогласен за играч на мечот.
Ливерпул во кој топката беше само 29%, упати два удари, еден во рамките од голот на Донарума и тој заврши во неговата мрежа.
„Фудбалот е чудесен и неправеден спорт. Ова беше најкомплетниот натпревар кој го одигравме во Лигата на шампионите откако јас сум тренер. Тие шутнаа само еднаш и дадоа гол. Кога ќе видите дека Алисон им е најдобриот играч, се е јасно“, вели Луис Енрике.
„Горд сум на моите играчи, без оглед на се во Ливерпул ќе одиме на победа. Нема што да загубиме, таму одиме да прикажеме уште подобра игра и ќе бидеме храбри да го направиме тоа. Јасно е дека нема да биде лесно, но нема што да загубиме“.