Реал Мадрид и Барселона одиграа супер Ел Класико дуел кое го добија Каталонците со 3-2, со погодок на Лео Меси пред самиот крај на натпреварот.
Резултатот беше отворен уште во 28. минута кога Касемиро се најде на вистинското место и погоди за прва радост на Сантијаго Бернабеу.
Само пет минути подоцна фантастична акција на Барселона, Лео Меси го изедначи резултатот на 1-1 и го врати мечот на почеток.
Во 73. минута Ракитиќ погоди од далечина за комплетен пресврт и водство на Барселона од 2-1.
Само четири минути подоцна Реал Мадрид влезе во уште полоша ситуација откако Серхио Рамос со две нозе стартуваше врз Меси и заработи директен црвен картон.
Но и покрај тоа што имаа фудбалер помалку Реал Мадрид тргна напаѓачки и тоа резултираше со гол на Хамес Родригез само три минути откако влезе на теренот. Во 85. минута изедначи на 2-2.
Реал Мадрид имаше шанси и за комплетен пресврт, но откако тоа не се случи, уште една прекрасна акција на Барселона, овој пат во 92. минута кога заврши со гол на Меси за молк на Бернабеу и голема победа на каталонскиот тим од 3-2.
Барселона и Реал Мадрид сега имаат исто бодови но кралскиот клуб има натпревар помалку.