Тотенхем обезбеди триумф
од 3-1 над бранителот на европскиот трофеј Реал Мадрид во групата „Х“, во дербито на вечерта.
Првиот гол донесе доста
контроверзи откако асистентот Трипие беше во офсајд ситуација во голот на Деле
Али во 27. минута.
Деле Али им создаваше
големи проблеми на гостите, па истиот фудбалер во 56. минута зголеми на 2-0, а
Ериксен го докрајчи Реал Мадрид откако девет минути подоцна зголеми и на убедливи
3-0.
Роналдо во 80. минута го
ублажи поразот на својот тим кој сега заостанува три бода зад Тотенхем на две
кола до крајот на групната фаза.
Наполи се обиде, но не
успеа да триумфира над Манчестер Сити во мини дербито од вечерашните средби во
рамките на групата „Ф“.
Домаќините први дојдоа
до предност и тоа со голот на Инсиње во 21. минута, Манчестер Сити преку
Отаменди во 34. минута израмни на 1-1, а со овој резултат се замина на паузата.
Ниту едните, ниту пак
другите не застанаа со офанзивната игра ниту во второто полувреме, по само три
минути игра Стоунс му донесе предност од 1-2 за премиерлигашот, а Жоргињо од
пенал во 62. минута ја врати надежда кај Италијанците. Патот кон триумфот го
отвори Агуеро во 69. Минута со голот за 2-3, а конечните 2-4 ги постави
Стерлинг во 90. минута.
Во оваа конкуренција
Манчестер Сити е прв со 12 бода, максимални досега, Шахтјор заостанува три
бода, додека пак Наполи има само три бода, односно една победа и три порази,
веднаш пред Феенорд кој нема ниту еден освоен бод досега.
РЕЗУЛТАТИ И ПОГОДОЦИ ОД ВЕЧЕРАШНИТЕ НАТПРЕВАРИ
Група „Е“
Ливерпул – Марибор 3:0
(Салах 49’, Чан 64’, Стариџ 90′)
Севилја – Спартак Москва
2:1 (Ленглет 30’,
Банега 59’, Зе Луис
80’)
Група „Ф“
Наполи – Манчестер Сити 2:4 (Инсиње 21’,
Отаменди 34’, Стоунс 48’, Жоргињо 62, Агуеро 69’, Стерлинг 90′)
Шахтјор – Феенорд 3:1
(Јоргенсен 12’, Фереира 14’, Марлос 17’, 67’)
Група „Г“
Бешикташ – Монако 1:1 (играа од 18,00, извештај од мечот – ТУКА)
Порто – Лајпциг 3:1
(Ерера 13’, Вернер 48’, Переира 62’, 90′)
Група „Х“
Тотенхем – Реал Мадрид 3:1 (Деле
Али 27’,
56’, Ериксен 66’, Роналдо 81’)
Борусија Дортмунд –
АПОЕЛ 1:1
(Гереиро 29’,
Поте 52’)
Фото-вест:
uefa.com