Рома го надигра Челси совладувајќи го со високи и
убедливи 3-0 на домашен терен во дербито на вечерта, во рамките на групата „Ц“.
Ел Шарави беше незапирлив а тој постигна два гола уште во
првото полувреме, најнапред во првата минута, за веќе во 36. Минута да навести
триумф за домаќините кој го потврди Пероти со својот гол во 63. Минута од
мечот.
Со оваа победа Рома го презеде лидерското место во оваа
конкуренција со осум бода, еден поведе од Челси, Атлетико Мадрид со ремито на
домашен терен против аутсајдерот Карабах од 1-1 дојде до три бода, а
азербејџанскиот тим со два бода е последен во групата.
Она што секако на македонската јавност би и се допаднало
од вечерашните натпревари е секако блескавото издание на нашиот репрезентативец
Стефан Ристовски кој почна од првата минута за Спортинг Лисабон во дуелот
против Јувентус во рамките на групата „Д“.
Португалскиот тим прв поведе во 20. Минута со голот на
Цезар, а гостите израмнија преку Игуаин во 79. Минута.
Нашиот 25 годишен интернационалец играше на својата
природна десна бековска позиција и дефинитивно ќе го памети својот прв настап
како стартер за Спортинг Лисабон кој со овој бод во моментов е на третото место
со четири бода, односно три бода негатива зад Јувентус. Инаку, Македонецот се’ до 90. Минута кога
беше заменет при една повреда, а беше испратен со овации од гледалиштето.
Во истата конкуренција го бележиме киксот на Барселона
која одигра реми без голови на гостувањето кај Олимпијакос, како и да е,
каталонскиот клуб со десет бода и натаму е прв во групата каде последен е токму
Олимпијакос со еден освоен бод.
Манчестер јунајтед со автоголот на тинејџерот Свилар и
голот на Блинд успеа да стигне до победа над Бенфика од 2-0 и со тоа дојде до
максимални четири бода во групата „А“, каде Базел иако имаше водство на крајот
загуби од ЦСКА Москва со 1-2, па и двете екипи со по шест бода го делат второто
место, последна е Бенфика без бодови.
Фантастично издание вечерва имаше Курзава кој постигна
хет-трик во победата на ПСЖ над Андерлехт на домашен терен со 5-0 во рамките на
групата „Б“. Парижаните со овој триумф се зацврстија на првото место со
максимални 12 бода, три повеќе од Баерн кој славеше со 1-2 на гостувањето кај
Селтик кој останува со три бода, во истата конкуренција Андерлехт е без бодови.
РЕЗУЛТАТИ И ПОГОДОЦИ ОД ВЕЧЕРАШНИТЕ НАТПРЕВАРИ:
Група „А“
Манчестер јунајтед – Бенфика 2:0 (Свилар 45’ автогол, Блинд 78’)
Базел – ЦСКА Москва 1:2 (Зуфи 32’,Џагоев 65’, Вернблум 79’)
Група „Б“
Селтик – Баерн Минхен 1:2 (Коман 22’, Мекрегор 74’, Мартинез 77’)
ПСЖ – Андерлехт 5:0 (Верати 30’, Нејмар 45’, Курзава 52’, 72’, 78’)
Група „Ц“
Рома – Челси 3:0 (Ел Шарави 1’, 36’,Пероти 63’)
Атлетико Мадрид – Карабах 1:1 (Мишел 40’, Томас 56’)
Група „Д“
Олимпијакос – Барселона 0:0
Спортинг Лисабон – Јувентус (Цезар 20’, Игуаин 79′)
Фото-вест: record.pt