Фудбалерите на Ливерпул не си дозволија нов кикс во Премиер лигата, откако во средата се сопнаа против Евертон. „Црвените“ овојпат пред својата публика на „Енфилд“ го совладаа Вулверхемптон со 2-1 (2-0).
Резултатот го отвори Луис Диаз со гол за 1-0 во 15. минута од средбата. Веќе до полувремето Ливерпул стекна и двојна предност, бидејќи Мохамед Салах реализира пенал за 2-0.
Во продолжението од мечот Вулверхемптон успеа да намали преку Матеус Куња во 67. минута. Сепак, „волците“ немаа сили за целосен кам-бек против фаворитот.
Ливерпул забележа осумнаесетта премиерлигашка победа сезонава и со 60 бода е убедливо водечки пред Арсенал кој има 53, а потоа следат Нотингем Форест (47) и Манчестер Сити (44).
