Фановите на Ливерпул и самиот клуб му направија проблеми на Мохамед Салах. На социјалните мрежи се појави видео од Египјанецот како го користи мобилниот телефон зад воланот.
Се претпоставува дека видеото е напревено по победата од 4-0 над Вест Хем во неделата. Навивачи, помеѓу кои има и деца, се обидуваа да го привлечат вниманието на Мохамед Салах во надеж дека ќе добијат автограм, но напаѓачот ги игнорираше и го користеше својот мобилен.
Liverpool striker Mo Salah has been referred to the police by his club after he was apparently filmed using a mobile phone at the wheel of his car. pic.twitter.com/dLxO0AiLfj
— BBC North West (@BBCNWT) August 13, 2018
Според законите во Велика Британија, забрането е да се има мобилен во рака додека се управува автомобил. Прекршок се прави и кога се користи мобилен телефон кога се чека на семафор или пак има застоj поради сообраќаен метеж.
ℹ️ We have been made aware of a video believed to show a footballer using a mobile phone whilst driving. This has been passed to the relevant department. Thanks for letting us know
— MerPolCC (@MerPolCC) August 13, 2018
Полицијата од Мерсисајд потврди дека го истражува случајот откако добила поплака, а за да биде уште поинтересно, Ливерпул е тој кој го пријавил Мохамед Салах.
„Откако разговаравме со играчот, клубот ја извести полицијата од Мерсисајд за видеото кое кружи на социјалните мрежи. Ниту клубот ниту играчот нема повеќе да коментира на оваа тема“ – порача портпаролот на „Црвените“.