Французинот се најде на „тапет“ кај Гери Линекер по големото промашување на дуелот помеѓу Реал Мадрид и Тотенхем во Лигата на шампионите.
Зинедин Зидан веднаш остро одгвори, му прача на Англичанецот дека треба да се засрами и истакна дека Карим Бензема е далеку најдобар.
Гери Линекер не сакаше да остане покус па денеска испрати нов провокативен пост на социјалните мрежи.
По новата извонредна партија на Хари Кејн и двата гола против Ливерпул, тој на Твитер напиша: „Кејн пак е стрелец. За среќа Зидан мисли дека Бензема е најдобар па Реал нема да сака да го купи“.
Голгетерот на „Спарси“ игра во страшна форма, па неговото име се поврзува со Реал Мадрид и се говори дека „Кралевите“ се подготвени длабоко да бркнат во џебот за да го купат репрезентативецот на „Трите Лава“.
Гери Линекер потоа одново се огласи на социјалните мержи, овој пат по одличната асистенција на Бензема на дуелот со Еибар.
Но неговиот нов пост беше малку ироничен: „Брилијантна асистенција од Бензема. Со ваков квалитет, тешко е да се разбере зошто Зидан го изостави од стартниот состав“