Легендата на „ѓаволите“, Пол Сколс смета дека на Маркус Рашфорд треба да му се забрани влез во соблекувалната бидејќи напаѓачот со своето однесување дава лош пример за помладите фудбалери.
Рубен Аморим сака да постави нови стандарди на Олд Трафорд, па месец ипол не смета посериозно на Маркус Рашфорд, на последните 11 натпревари, напаѓачот не одигра ниту една минута, и на дури 10 не беше ниту на клупата за резерви.
По победата над Фулам, тренерот на Манчестер јунајтед беше запрашан за ситуацијата на Англичанецот а тој уште еднаш појасни дека не е задоволен од залагањето на играчот на тренинзите.
„Попрво во игра ќе го пуштам Жорж Витал (63 годишниот голман на тренерите) отколку некој играч кој не го дава максимумот на секој тренинг“ – порача Рубен Аморим.
Свое мислење за целата ситуација сега даде и Пол Сколс, кој смета дека на Маркус Рашфорд треба да му се забрани влез во соблекувалната бидејќи напаѓачот со своето однесување дава лош пример за помладите.
„Мислам дека Рашфорд со своето однесување разочара многу луѓе и токму тоа се обидува да ни го каже тренерот. Дали сте помислиле на младите играчи кои доаѓаат од школата, или некој како Гарначо? Се огледуваат на луѓе како Рашфорд, а тој сега не тренира како што треба и не живее како што треба. А младите треба да го гледаат како пример“.
„Паметам како пред многу години му кажав на тренерот (Сер Алекс Фергусон) дека не сакам да играм на тој фамозен натпревар со Арсенал… а тој ми рече дека најлошо од се е тоа што ги оставам соиграчите на цедило… и мислам дека истото го прави и Рашфорд сега“.
„Да, точно е дека не одбива да игра, но со своето однесување на тренинг, на еден начин кажува дека не сака да игра. Па мислам дека треба да му се забрани влез во соблекувалната бидејќи ги остава на цедило соиграчите. Колку побрзо замине, толку подобро. Не треба младите играчи да учат од такво однесување“.