Легендарниот тренер удри по Милан: Срамно лоша одбрана…

by 24 фудбал
1 минути читање

Тренерската легенда на Милан, Ариго Саки, имаше што да каже за перформансот на тимот против Наполи.

Легендарниот стратег беше доста критичен кон дефанзивата. Во својата колумна за „Газета дело Спорт“ Саки даде своја анализа на мечот, осврнувајќи се на Наполи и на Милан.

Ова не беше најдоброто издание на Наполи сезонава, ама беше сосема доволно да се надигра оваа срамно лоша одбрана на Милан и да остане во трката за титулата.

Не можеш да се правиш луд кога ќе ги видиш грешките кои доведоа до головите на Наполи. Како може дефанзивците така да се позиционирани? Дури и во второто полувреме кога имаше реакција, тимот делуваше лошо организирано и хаотично. Во реалноста, кога работите ќе тргнат така лошо, тешко е да се исправат во од“, напиша Саки за Милан.

Тимот на Конте делуваше на моменти трапаво, ама тоа е разбирливо. Тоа се млади играчи кои како луди се борат за секоја топја. Даваат во тој јуриш кон својот сон. Конте ги турка, тој бара максимални напори. Знае дека Интер е неверојатно силен и нема да биде лесно, ама неговата решителност не им дава на ривалите ниту сентиметар простор. Наполи ќе биде уште подобар до крајот на сезоната“, напиша Саки за „партенопеите“.

Наполи има три бода дефицит зад Интер на врвот на Серија А, додека Милан котира ужасно на деветтата позиција.

Можно е и ова да ти се допаѓа

@2024 – Сите права задржани