Легенда на Ливерпул ќе биде нов тренер на Ристовски и Адеми?

Фабио Канаваро не издржа долго и денес доби отказ на клупата на Динамо Загреб, а веќе се најавува кој би можел да биде нов тренер на тимот на македонските фудбалери, Стефан Ристовски и Аријан Адеми.

Словенечкиот портал Екипа известува дека двајца шпанци се кандидати за преземање на клупата на Модрите. Станува збор за Алберт Риера, кој моментално го води словенечкото Цеље и Виктор Санчез.

“Динамо многу сериозно размислува за Риера, но уште не е одлучено да го доведе. Можно е Канааваро да остане до крајот на сезоната или Динамо да најде привремено решение, но скоро сигурно нема веднаш да назначи нов постојан тренер“, пишува Екипа.

Канаваро на клупата на Динамо не се прослави и се задржа само три месеци во кои не оствари посебен успех.