Еден од најсериозните претенденти во битката за титулата
во Лига Европа оваа сезона, англискиот премиерлигаш врза две победи во групата
„Х“ од ова натпреварување, па по триумфот на домашен терен над Келн, овој пат
славеше со 2-4 на гостувањето кај БАТЕ Борисов во Белорусија.
Два гола во триумфот на Топчиите постигна Волкот, додека
по еден постигнаа Холдинг и Жиру. Кај домаќините погодија Иваниќ и Гордејчук.
Во истата група белградска Црвена Звезда приреди големо
изненадување совладувајќи го на гостински терен германскиот бундеслигаш Келн
минимално со 0-1, а единствениот гол на мечот беше дело на Боачи во 30. минута
за прва победа во својата група за српскиот тим по ремито на домашен терен
против тимот од Белорусија претходно.
Од останатите средби кои се одиграа во терминот од 19
часот, украинска Зорја го шокираше Атлетик Билбао совладувајќи го минимално со
0-1 на негов терен, а сигурни победи остварија Лацио над Зулте Варегем, Ница
над Витезе, Розенборг над Вардар, како и Зенит над Реал Сосиедад.
Резултати од натпреварите во 19 часот:
Астана – Славија Прага 1-1
Атлетик Билбао – Зорја 0-1
БАТЕ Борисов – Арсенал 2-4
Келн – Црвена Звезда 0-1
Конјаспор – Гимараеш 2-1
Лацио – Зулте Варегем 2-0
Лугано – Стеауа 1-2
Ница – Витезе 3-0
Остерсундс – Херта 1-0
Викторија Плзен – Хапоел Бер Шева 3-1
Розенборг – Вардар 3-1
Салцбург – Олимпик Марсеј 1-0
Зенит – Реал Сосиедад 3-1
Второто коло ќе се комплетира со натпреварите кои стартуваа во терминот од 21,05 часот.