Барселона во 2026 година ќе влезе во нов изборен процес за претседателската функција, а актуелниот прв човек на клубот, Жоан Лапорта, веќе размислува за потег со кој би ја добил поддршката од навивачите.
Според информациите, Лапорта има преамбициозна идеја во пресрет на изборите и сака да се обиде да го донесе еден од најбараните фудбалери во светот, норвешкиот напаѓач Ерлинг Халанд. Планот е токму таков трансфер да предизвика еуфорија меѓу навивачите и да ја зацврсти неговата позиција во клубот.
Халанд и во минатото се поврзуваше со Барселона, но тогаш ја избра кариерата во Манчестер Сити. Сега, според истите извори, каталонскиот клуб повторно ја следи ситуацијата и размислува за нов обид.
Сепак, останува отворено прашањето на кој начин Барселона би можела да реализира ваков трансфер, имајќи ги предвид сериозните финансиски проблеми со кои клубот и понатаму се соочува.