Напаѓачот на
Арсенал, Александре Лаказет вели дека постои ‘голема разлика’ помеѓу методите кои ги користат во своето
менаџирање на тимот, Унаи Емери и Арсен Венгер, односно, сегашниот и
претходниот тренер на Топчиите.
Лаказет се
приклучи на Арсенал во летото 2017. година, во последната сезона на Венгер на
клупата на Топчиите, Емери беше неговиот наследник, а францускиот напаѓач има
добра сезона во првата сезона на Емери во Лондон.
„Постои голема
разлика, ние сега работиме повеќе на тактиката, прегледуваме повеќе пати снимки
од натпреварите, говорот на Емери е сосема поинаков во однос на тој на Венгер.
Различно е, секогаш е тешко да се направи споредба помеѓу тренерите бидејќи тие
имаат сопствена техника за тоа како да го менаџираат тимот“ посочи францускиот
напаѓач.
Арсенал сезонава
се бори на два фронта, во Премиерлигата е на посакуваната четврта позиција на
табелата, но, на делба со идентичен број бодови со Челси (66), Манчестер јунајтед
заостанува со два бода. Освен тоа, Топчиите сигурно ќе атакуваат и на финале во
Лига Европа, но, најнапред ќе треба да ја минат Валенсија во полуфиналето.