26-годишниот фудбалер стави потпис на пет годишен договор, Лаказет објаснува зошто трансферот во Арсенал е остварување на неговиот сон.
„Се разбира, среќен сум и горд што сум тука бидејќи Арсенал е легендарен клуб“ – вели Лаказет.
„Во моето детство, благодарение на Тијери Анри и другите француски фудбалери, отсекогаш сонував да играм за овој клуб и сега тој сон ми се остварува“.
„Минатото на Арсенал, сакам клубови со историја“.
„Исто така фактот дека тренерот е тука долго време зборува за стабилноста на клубот што ми се допаѓа. Дополнително, тука има неколку француски фудбалери кои ќе ми помогнат полесно да се прилагодам“.
„Според мене, Арсенал е клубот кој игра најубав фудбал во Англија, па навистина сакав да дојдам тука“.
„Кога играм сакам да ја користам брзината и да се поврзувам со моите соиграчи. Како напаѓач сакам да постигнувам голови, но се разбира, тоа не е се. Сакам течен фудбал каде што е поврзан целиот тим“.