Фудбалската репрезентација на Македонија ги дозна ривалите во квалификациската група за пласман на Светското првенство кое во 2026 година ќе се одржи во САД, Канада и Мексико.
Светската фудбалска федерација – ФИФА го организира извлекувањето во Швајцарија, а на него нашиот национален тим чекаше противници од третиот шешир. Среќата посака „реприза“ на квалификациите за Мундијалот пред десет години, кога игравме со истите две селекции. Македонија имаше среќа да влета во групата Ј, а во неа ќе се натпреварува со селекциите на Белгија, Велс, Kaзахстан и Лихтенштајн.
- Квалификациски групи за СП 2026:
Група А: Победник Германија/Италија, Словачка, Северна Ирска, Луксембург.
Група Б: Швајцарија, Шведска, Словенија, Косово.
Група Ц: Поразен Португалија/Данска, Грција, Шкотска, Белорусија.
Група Д: Победник Франција/Хрватска, Украина, Исланд, Азербејџан.
Група Е: Победник Шпанија/Холандија, Турција, Бугарија.
Група Ф: Победник Португалија/Данска, Унгарија, Ирска, Ерменија.
Група Г: Поразен Шпанија/Холандија, Полска, Финска, Литванија, Малта.
Група Х: Австрија, Романија, Босна и Херцеговина, Кипар, Сан Марино.
Група И: Поразен Германија/Италија, Норвешка, Израел, Естонија, Молдавија.
Група Ј: Белгија, Велс, Македонија, Казахстан, Лихтенштајн.
Група К: Англија, Србија, Албанија, Летонија, Андора.
Група Л: Поразен Франција/Хрватска, Чешка, Црна Гора, Фарски Острови, Гибралтар.
Квалификациите стартуваат во март за групите кои имаат по пет репрезентации во каква што е и Македонија, а групите со по четири селекции почнуваат во септември.
За првпат во историјата на Светското првенство ќе заиграат 48 репрезентации, наместо како досега по 32. Турнирот ќе се одржи од 11 јуни до 16 јули 2026 година, а натпревари ќе се играат најмногу во САД, но и во Канада и Мексико.