Кристанте ја напушта Рома и се враќа во гигантот каде што ја почна кариерата?

Брајан Кристанте до пред извесно време беше незаменлив во составот на Рома, особено под водство на Жозе Мурињо, но сега работите се променија.

Тој ја загуби позицијата и се верува дека ќе замине од Рома уште во јануари.

Според „Тутоспорт“, можно е Кристанте во јануари да се врати во Милан. Тоа е клубот каде што ја помина младинската школа и каде што дебитираше во сениорскиот фудбал.

Наводно има неколку клубови заинтересирани за него, но тој го преферира Милан.