Во новата сезона на англиската Премиер лига ќе стапи на сила измена што означува крај на осумгодишната пракса, капитенските ленти во боите на виножитото повеќе нема да бидат дел од натпреварите.
Како што јавуваат британските медиуми, Премиер лигата го раскинала партнерскиот договор со организацијата „Stonewall“, која се залага за правата на ЛГБТ заедницата во Обединетото Кралство. Со тоа, се укинува обврската капитените да носат ленти што симболизираат поддршка за оваа заедница, нешто што беше воведено уште во 2017 година.
Одлуката, наводно, била донесена на последниот состанок на кој присуствувале сите капитени на премиерлигашките клубови. Во изминатите сезони, често пати се случуваше одредени фудбалери да одбијат да ја носат лентата од лични или верски причини, што предизвикуваше дополнителни контроверзии и полемики во јавноста.
🚨BREAKING NEWS: The Premier League have announced they are banning rainbow laces and rainbow captains armbands for the upcoming season, stating that the initiative was causing more controversy than it has delivering a positive message. pic.twitter.com/rA4qSkPDji
— Football Factly (@FootballFactly) August 7, 2025