Ковачиќ: Возбуден сум што сум во Челси, ќе го дадам најдоброто за клубот

Ковачиќ во новата сезона ќе го носи дресот на Челси, тој доаѓа од Реал Мадрид на едногодишна позајмица.

„Навистина сум среќен и возбуден што сум тука во Челси. Чувството е неверојатно. Ќе се обидам да го дадам најдоброто за овој клуб. Ова е нова лига за мене, почетокот секогаш е тежок но сигурен сум дека тренерот и моите нови соиграчи ќе ми помогнат да имам одлична сезона“, вели Ковачиќ.

Како дел од големата зделка во која Ковачиќ дојде во Челси, е и трансферот на Куртоа во Реал Мадрид. Синоќа сините го промовираа и голманот Кепа кој стана најскапиот чувар на мрежата во светот.