43
Одржувањето на Копа Америка беше доведено во неизвесност откако предвидените домаќини Колумбија и Аргентина на две недели пред почетокот отпаднаа. Колумбија беше откажана од безбедносни причини, откако избија големи нереди во земјата по протестите против претседателот Иван Дуке, а Аргентинa поради голем број заразени лица со ковид-19.
КОНМЕБОЛ реагираше брзо и донесена е одлука Бразил да биде домаќин на Копа Америка.
Владата на Бразил експресно го одобри барањето од Фудбалската конфедерација на Бразил за одржување на големиот фудбалски турнир.