Челси и дефинитивно се раздели со Диего Коста, сега Алваро Мората е напаѓачот во кој ќе бидат вперени сите очи на фановите на сините.
„Тој е навистина добро момче. Тоа значи дека доколку имате ќерка ќе сакате таа да се омажи со личност како него. Тој е навистина добро момче, културна личност“ – вели Антонио Конте.
„Добро го познавам Алваро, тој е навистина добро момче, добра личност и добро засилување на Челси бидејќи има само 24 години“.
„Ми се допаѓа бидејќи е комплетен играч и исто така има многу простор за напредок во секој аспект, тактички, физички, технички аспект“.
„Многу е посветен, неговото однесување секогаш е фантастично. Многу културен фудбалер и тоа ми се допаѓа, исто така е одличен финишер, го чувствува голот во секој момент и секогаш знае која е најдобрата позиција во шеснаесетникот да ја прими топката“.