Вчерашниот натпревар помеѓу Барселона и Осасуна беше одложен поради смртта на клупскиот доктор на каталонскиот гигант Карлес Мињаро и засега не е познато кога овој дуел ќе биде одигран.
Одложувањето на натпреварот донесе проблем за Ла Лига во и онака густиот распоред. До крајот на сезоната има само уште три месеци, па така нема премногу простор.
Се разгледуваат неколку термини, но како најреален за одигрување изгледа периодот околу 21 мај, односно помеѓу претпоследното и последното коло од првенството на Шпанија.
Како опција се споменува и 27 март, но тешко дека Барселона ќе го прифати овој термин бидејќи два дена претходно се играат натпревари од квалфиикациите за Јужна Америка и Светското првенство, а тоа значи дека во Барселона би ги немале на располагање Аухо и Рафиња.
Преостанатите термини зависи до каде Барселона би стигнала во останатите натпреварувања, ако бидат елиминирани од Атлетико во полуфиналето на Копа Дел Реј дуелот може да се игра и викендот меѓу 25 и 27 април за кога е закажано финалето во купот. Термини би се отвориле и ако Барселона не успее да стигне до полуфиналето во Лигата на шампионите.