Клоп водел тајни преговори со Ред Бул додека бил тренер на Ливерпул

Англискиот весник „Дејли Мејл“ тврди дека Јирген Клоп уште пред две години почнал да има средби со Ред Бул кога се уште беше тренер на Ливерпул.

Јирген Клоп под изговор дека веќе е уморен и нема енергија за работа си замина од Ливерпул, го испочитува договорот до крај, но не потпиша нов. Брзо потоа беше назначен за глобален директор на Ред Бул за фудбал.

Информациите на „Дејли Мејл“ велат дека Клоп првиот контакт со Ред Бул го имал пред повеќе од две години, а потоа следувале тајни средби меѓу двете страни додека тој уште го водел Ливерпул.

Весникот тврди дека кога Клоп го соопштил заминувањето од Ливерпул, веќе знаел која ќе биде неговата наредна работа.