Њукасл важеше за лидер во трката по Бенјамин Шешко, но работите можеби се менуваат откако Манчестер јунајтед испрати понуда.
Информациите беа дека Манчестер јунајтед ја следи ситуацијата и ќе испрати понуда само доколку Шешко одлучи да се пресели кај нив.
Се чинеше дека Словенецот го одбрал Њукасл, но можеби работите се промениле.
Манчестер јунајтед е во директни разговори со Лајпциг и имаат формална понуда од 85 милиони евра.
Тоа може да значи дека Шешко сепак одлучил да се пресели на Олд Трафорд.
Њукасл бара одговори од Лајпциг и Шешко на понудите кои ги има испратено до двете страни.
Во наредните денови се очекува трансфер сагата конечно да заврши и да се знае кој е победник во трката по Шешко, Њукасл или Манчестер јунајтед.
Ако Њукасл не успее да го донесе Шешко, тоа може да значи и дека нема да се разделат со Исак.