Ќе имаме посилен напад: Тодороски е блиску, а „Американецот“ од 2020 уште сака да игра за Македонија!

На денешниот брифинг со новинарите претседателот на ФФМ, Масар Омерагиќ откри и дека Македонија би можела да добие две нови имиња како опции во нападот.

Имено, Дени Мусовски кој настапува за Сител во МЛС лигата и со Македонија се поврзуваше уште во 2020 година и понатаму има желба да го облече македонскиот дрес, а Омерагиќ веќе разговарал со него.

Но, поблиску да добие можност за настап е Андреј Тодороски од Бачка Топола кој викендов постигна и еден атрактивен гол. Како што потврди Омерагиќ, документацијата на Тодороски многу брзо треба да биде комплетирана.

Покрај нив двајца, првиот човек на ФФМ откри и дека се разговарра и со други фудбалери од странство.