Катастрофални вести од Ливерпул, Бредли го чека долга пауза

Дефанзивецот на Ливерпул, Конор Бредли, ќе го пропушти остатокот од сезоната поради тешка повреда на коленото.

Бредли се повреди на дербито одиграно во четвртокот, а дополнителните прегледи потврдија оштетување на лигаментите и дел од коската. Добра вест е што кај 22 годишниот фудбалер не е скинат предниот вкрстен лигамент, но и покрај тоа, сезоната за него е завршена.

При самата повреда се случи и инцидент, кога Габриел Мартинели се обиде да го оттурне Бредли надвор од теренот, не знаејќи дека дефанзивецот на Ливерпул се соочува со сериозна повреда.