На еден месец
пред почетокот на зимскиот период, каталонските медиуми одново ја отворија
„операцијата“ Кутињо.
Плејмејкерот беше
прва желба на Барселона изминатово лето, но Ливерпул не сакаше да слушне за
продажба на својата ѕвезда.
„Каталонците“
доставија неколку понуди и се откажаа во последниот ден откако „Црвените“ им
побарале 200 милиони евра.
Филипе Кутињо
останува примарна цел, и клубот од Камп Ноу во јануари одново ќе
тропне на вратата на Ливерпул.
Бразилецот
денеска се појави на насловните страни на Спорт и Мундо Депортиво, весници кои
се блиски до Барселона и управата.
Според Спорт, за
ангажман на Филипе Кутињо во јануари ќе бидат потребни помеѓу 130 и 150 милиони
евра, како и плата од 14 милиони евра по сезона за фудбалерот. Мундо Депортиво
пак пишува дека цената е 145 милиони евра.
За да се
реализира една ваква зделка, Барса ќе треба да се раздели со неколку играчи, прв на излезна врата е Арда Туран.
