Касемиро може да остане во Европа: Бразилецот добил понуда од Серија А?

Фудбалерот на Манчестер јунајтед, Бразилецот, Касемиро наскоро би можел да ја засили Рома.

Касемиро не е во прв план кај Рубен Аморим и на последните пет натпревари не забележа ниту една минута, па за очекување е да ја промени средината.

Освен тоа Бразилецот е и еден од најплатените во тимот со 350.000 фунти неделна плата и тоа е огромно оптеретување за буџетот на гигантот од „Олд Трафорд“.

Претходно се пишуваше дека може да се пресели во Саудиска Арабија, но според последните информации интерес за него покажала Рома.

Рома која со Раниери започна да игра подобро го гледа Касемиро како идеално засилување во средниот ред за вториот дел од сезоната, иако Бразилецот има 32 години и е далеку од формата со која некогаш настапуваше за Реал Мадрид.