Јувентус синоќа и покрај тоа што од почетокот на второто полувреме играше со фудбалер помалку, успеа да ја анулира предноста на Галатасарај, сепак во вториот дел потклекна и беше елиминиран.
Јувентус дојде до резултатот од 3-0 во регуларните 90 минути, а можеше и да победи, но промашуваше шанси, триумф ќе беше херојски подвиг на италијанскиот тим, сепак на крајот тоа не се случи.
„Искрено, ми се плаче, навистина верувавме. Го вложивме нашето срце и душа во овој натпревар, и повеќе од тоа. Еден инцидент сè искомплицира во првиот натпревар, но денес сакам да им се заблагодарам на сите од дното на моето срце. Атмосферата на стадионот беше неверојатна, ова се ноќи што остануваат со вас. Ја апсорбиравме нивната енергија што ни беше потребна“, рече Локатели.
„Го дадовме нашето срце и душа. Секогаш ги молам играчите да го прават тоа, и вечерва навистина го направивме, и тоа е она што треба да го понесеме со нас во иднина. „Ова е Јувентус што сакавме да го видиме и Јувентус што секогаш мора да бидеме. Секогаш мора да се обидуваме да играме на ова ниво. На вистинскиот пат сме и не смееме да ја изгубиме таа верба“.
Вечерва имаше и неколку големи пропуштени шанси, а Кефрен Турам беше во солзи на аут линијата откако МекКени израмни со вкупен резултат.
„Мислам дека можеме само да ги пофалиме играчите за нивниот труд вечерва, грешките можат да се случат. Сега имаме уште еден важен натпревар против Рома и мора да се фокусираме на тоа“.