Неколкумина
репрезентативци на светскиот првак Франција, лобирале нивниот соиграч од таа
селекција, Н’Голо Канте да се
пресели во тимот на Париз Сент Жермен, „Лекип“ пишува дека тоа се Килијан
Мбапе, Преснел Кимпембе и Алфонс Ареола, кои ја презеле таа одговорност, откако
францускиот првак остана без услугите на Тијаго Мота и беше потребна негова
замена.
Канте потпиша за
Челси пред две сезони за 38 милиони евра, освои титула во Премиерлигата уште во
првата сезона, а исто ја доби и наградата за играч на годината. Во новата сезона
доби и нов тренер на кормилото на тимот од Лондон во Маурисио Сари, под чие
водство засега одигра пет натпревари а притоа постигна и еден гол.
Играчот од
средниот ред беше еден од најзаслужните за освојувањето на светската титула од
Мундијалот во Русија ова лето.