Динамо Загреб синоќа одигра само 1-1 на гостувањето кај Вараждин и полека ги губи шансите за шампионската титула, на девет кола пред крајот има пет бода помалку од Хајдук.
Стефан Ристовски од клупата за резерви го почна вчерашниот дуел, во игра влезе во 73. минута кога резултатот се уште беше 0-0.
Но, необичен е моментот што Македонецот десет минути пред да влезе во игра доби жолт картон. Му беше доделен додека седеше на клупата за протести кон судењето.
Тренерите вообичаено вадат играчи со жолти картони со цел да не добијат црвен. Но, Канаваро овојпат го направи спротивното, внесе играч кој веќе доби жолт картон со што го зголеми ризикот Динамо да остане со фудбалер помалку.
Ристовски до мечот со Вараждин имаше 20 настапи во најдобрата хрватска лига и добиено шест жолти картони поради што веќе трипати пропушташе натпревари поради суспензија. На крајот жолтиот картон кој го доби македонскиот фудбалер беше и единствениот за Динамо Загреб во овој дуел.