Канаваро по 100 дена доби отказ од Динамо Загреб, ќе му се памети само победата над Милан

Стефан Ристовски и Аријан Адеми ќе добијат нов тренер, Динамо Загреб денеска реши да му врачи отказ на Фабио Канаваро.

Италијанската легенда, Фабио Канаваро издржа само 100 дена на кормилото на Динамо Загреб.

Му пресуди тешкиот пораз од Истра од 3-0, по кои „модрите“ заостануваат осум бода зад лидерот Хајдук.

Фабио Канаваро го предводеше Динамо Загреб на 14 натпревари, забележа 7 победи, 5 порази и два нерешени резултати.

Ќе му се памети само триумфот од 2-1 над Милан во Лигата на шампиони, со кои „модрите“ стигнаа до рекордни 11 бодови во Лигата на шампиони..

Во моментов не е јасно кој ќе биде нов тренер на нашите Стефан Ристовски и Аријан Адени , а како привремено решение до крајот на сезоната е поставен досегашниот помошник Сандро Перковиќ.