Како реагирал Жозе Мурињо во соблекувалната по поразот од Брајтон

Португалецот
очајно посакуваше нов дефанзивец ова лето, но извршниот потпретседател Ед
Вудворд остана глув на барањата. Дека последната линија на „Ѓаволите“ е ранлива
покажа дуелот со Брајтон изминатиов викенд, кога домаќините приредија големо
изненадување и славеа над фаворитот со 3-2.

Според пишувањата
на „Тајмс“, Жозе Мурињо бил толку многу разочаран од изданието на Манчестер
јунајтед што останал без зборови и едвај им кажал нешто на своите играчи во соблекувалната по
последниот свиреж.

Весникот исто
така додава дека Португалецот нема намера да поднесе оставка и покрај тоа што има
големи несогласувањата со Ед Вудворд. Жозе Мурињо е разочаран што клубот не му
ги исполнил желбите на трансфер пазарот, но нема планови да се повлече.