Манчестер јунајтед може да се најде во необична ситуација, да си го купи играчот Алваро Карерас за многу повеќе отколку што го продаде лани на Бенфика.
Алваро Карерас во 2020 година од школата на Реал Мадрид се пресели во академијата на Манчестер јунајтед.
Во Јунајтед беше до лани кога го откупи Бенфика, најпрво го зема на позајмица, а потоа плати 6 милиони евра за целосно да го ангажира.
Манчестер јунајтед испратил скаути во Португалија да ја следат ситуацијата со шпанскиот младински репрезентативец кој игра на позицијата лев бек.
Ако Манчестер јунајтед не успее да се договори со Лече за трансферот на Патрик Доргу, следна опција ќе биде токму Карерас.
Бенфика го проценува Карерас на 20 милиони евра.
Карерас никогаш нема заиграно за сениорскиот тим на Манчестер јунајтед, за Бенфика има 47 натпревари, дал и четири гола, а асистирал за пет погодоци.