Јунајтед со помал посед на топка но пет пати повеќе шанси го совлада Брајтон за прва победа дома по два месеци (ВИДЕО)

Избраниците на Солшер
конечно ги израдуваа своите фанови во Премиерлигата, денеска на Олд Трафорд
го совладаа Брајтон. Гостите можеби имаа поголем посед, но „ѓаволите“ им дадоа три
гола, а можеа барем уште толку.

Резултатот беше
отворен во 17. минута, Перира биеше од врвот на шеснаесетникот, топката закачи
еден од дефанзивците и заврши во мрежата. Две минути подоцна веќе беше 2-0,
Пропер си постигна автогол.

Данг во 64. Минута
намали на 2-1 и најави интересен финиш, но Манчестер јунајтед веднаш реагираше,
Рашфорд постигна гол во 66. минута и ги реши дилемите околу победникот.

На вториот
натпревар од 15 часот во Премиерлигата, Вулверхемптон со 2-1 ја совлада Астон
Вила.