Изненадуање на
денешниот тренинг на „Каталонците“, гостин во „Жоан Гампер“ комплексот беше
поранешниот играч, Нејмар. Бразилецот и Барса
не се разделија пријателски, и по рекордниот трансфер вреден 222 милиони евра,
клубот и фудбалерот си „пуштија“ по неколку тужби.
Напаѓачот сепак
остана во добар однос со играчите, и сега одново реши да ги посети. Се верува
дека Нејмар е во Барселона за да земе учество на покер турнир, на кој треба да се
појави и Жерард Пике.
Па Нејмар пред да
седне на масите во Казино Барселона, тој слободното време утрово го искористи за
мала дружба со старите пријатели. На социајлните мрежи веднаш се појавија слики
од средбата на Бразилецот со Суарез, Ракитиќ и Тер Штеген.
| Neymar has visited his former colleagues in Barcelona today. #Fcbarcelona #Football pic.twitter.com/FkO4J1o1cS
— Sports freak (@SForg1) August 27, 2018