Во претстојниот викенд фудбалските терени низ Македонија ќе останат празни, бидејќи поради вториот круг од локалните избори натпреварите од Првата лига се поместени за почетокот на следната недела, понеделник, вторник и среда.
Оваа промена, сепак, не ѝ одговараше на Шкендија, која во четврток ќе го одигра својот меч од Конференциската лига против полската Јагелонија. Поради тоа, дуелот меѓу тетовци и Шкупи е одложен и ќе се игра во дополнителен термин.
Новото коло ќе стартува во понеделник со пресметката меѓу Арсими и Башкими (13:30). Во вторник на програмата се средбите Работнички – Тиквеш и Македонија Ѓорче Петров – Струга, двете со почеток во 13:30 часот, додека во среда ќе се одиграат натпреварите Брера – Силекс (13:30) и дербито Пелистер – Вардар (17:00).