Европскиот
вицепрвак Јувентус и натаму е во потрага по фудбалери кои играат во средниот
ред, италијанските медиуми шпекулираат дека тимот од Торино е чекор поблиску до
Матео Ковачиќ, Хрватот од редовите на Реал Мадрид.
Калчомеркато
пишува дека контактот помеѓу обете страни е воспоставен, челници на Јувентус
веќе имале директна средба со агентот на Ковачиќ во средината на минатиот
месец, тренерот на „Старата дама“, Масимилијано Алегри дал зелено светло за
овој трансфер, но преговори со Реал Мадрид, барем засега, се уште не се
почнати.
Меѓутоа,
Калчомеркато додава дека единствениот проблем во целата оваа ситуација кој може
да настане е францускиот стратег Зинедин Зидан, кој иако Хрватот не му е прва
опција, сепак, не сака така лесно да се откаже од неговите услуги.