Фудбалската репрезентација на Зеленортските Острови испиша историја со пласман на Светското првенство 2026. година, откако во последното коло од квалификациите убедливо славеше против Есватини со 3-0.
Ова ќе биде прво учество на оваа мала островска нација на еден Мундијал, а Зеленортските Острови станаа и најмала земја по површина која некогаш изборила настап на најголемиот фудбалски собир. Пред преполни трибини, селекцијата на тренерот Педру Бриту ја оправда фаворитската улога и без поголеми проблеми го завери билетот за САД, Канада и Мексико. Погодоците за историскиот триумф ги постигнаа Роча Ливраменто, Семедо и искусниот Стопира.
Во истата група, Камерун ремизираше со Ангола и сега ќе мора да чека развој на настаните во останатите групи за да дознае дали како една од четирите најдобри второпласирани селекции ќе се пласира на Мундијалот.
Look what it means to Cape Verde after they qualified for the 2026 World Cup. 🥹🇨🇻🇨🇻🇨🇻🇨🇻 pic.twitter.com/fsyYPHJthp
— Mogumogu (@mogutweet) October 13, 2025