Манчестер Сити го известил Ајнтрахт Франкфурт дека сака уште овој месец да го ангажира Омар Мармуш, но цената на фудбалерот драстично порасна и „орлите“ бараат 80 милиони евра за продажба.
Омар Мармуш има одлична сезона со 13 погодоци и 7 асистенции во Бундеслигата, или 18 погодоци и 11 асистенции во сите натпреварувања, па го привлече вниманието на многу клубови.
Еден период се говореше дека Ливерпул го сака Омар Мармуш за наследник на Мохамед Салах, а во последно време се говори дека Манчестер Сити силно притиска за ангажман на Египјанецот.
Денеска беше објавено дека „граѓаните“ го известиле Ајнтрахт Франкфурт дека сакаат уште овој месец да го ангажираат Омар Мармуш.
Но поради големиот интерес, цената на фудбалерот драстично се крена и „орлите“ бараат 80 милиони евра за да се разделат со Омар Мармуш.
Манчестер Сити пак смета дека трансфер сума од 50-60 милиони евра е пореална проценка на вредноста на Египјанецот.