Интер го плати „цехот“ на репрезентативната пауза, се повредија две ѕвезди

Екипата на Интер го плати „цехот“ на репрезентативната пауза бидејќи остана без две важни имиња.

Капитенот Лаутаро Мартинез се повреди во тренажниот процес со репрезентацијата. Тој не настапи на првиот меч со Уругвај, ама нема да игра ниту на вториот меч со Бразил. Според досегашните информации, Лаутаро ќе го скокне дуелот со Удинезе по репрезентативната пауза, а целта на лекарскиот тим е да се врати навреме за дуелот со Милан во Копа Италија.

Од друга страна, посериозна е повредата на Дензел Дамфрис. Холандскиот бек се очекува да ги скокне двата следни меча, па желбата е да се врати за мечевите со Баерн Минхен во Лигата на шампионите.