Андрес Иниеста проговори за мошне чувствителната тема
која ја тресе Шпанија на политички, но сега и на спортски план.
Капитенот на Барселона упати порака до сите инволвирани
да седнат и да направат дијалог за доброто на сите.
„Никогаш ова не сум го направил, не сум сакал да кревам
публицитет за да ги искомплицирам чувствата на поединци, но оваа ситуација во
која живееме сега е посебна и сакам едно нешто да порачам, пред да направиме
некоја поголема штета:
Дијалог, тоа треба да го направат сите инволвирани во сево ова, направете го
тоа за сите нас, ние заслужуваме да живееме во мир“ порача Иниеста.
На удар на шпанските навивачи се најде неговиот соиграч
од редовите на Барселона кој се чини дека во однос на фудбалерите беше
најекспониран во однос на референдумот за каталонската независност, настан кој
за момент ја „разниша“ и атмосферата во шпанскиот национален тим, а Пике добива
свирежи и погрдни коментари од шпанските навивачи, така беше и денес на собирот
во Аликанте каде утревечер Шпанија ја пречекува Албанија во исклучително
важниот натпревар во квалификациите за СП Русија 2018.