Играчот од кој Арсенал „лесно“ се откажа пак е обвинет за силување!

Поранешниот член на Арсенал, Томас Парти, повторно се најде во центарот на сериозен правен процес, откако против него се појавија нови обвиненија.

Играчот и претходно се соочи со судење и се изјасни за невин, но во меѓувреме е отворена дополнителна постапка. Според информациите, станува збор за наводни силувања на две жени и сексуален напад врз трета.

Со тоа, бројот на случаи за кои се води истрага против фудбалерот се искачува на пет. Дел од претходните пријави се однесуваат на периодот од 2021 и 2022 година, додека најновото обвинение се поврзува со наводен настан од 2020 година кој бил пријавен во август 2025 година.

Во следниот период Парти ќе мора повторно да се брани пред институциите и да се обиде да ја докаже својата невиност.