Ибрахимовиќ: Бев болен, моето тело веројатно беше шокирано бидејќи ја скратив косата

Златан Ибрахимовиќ ги изненади сите со својот нов имиџ. Швеѓанецот со босански корени ја скрати својата коса.

Тој во последните денови имаше проблем со грип, но тоа беше окарактеризирано како можна расправија со управата поради неговото отсуство. Ибрахимовиќ реши да ги демантира овие наводи и даде коментар во свој стил.

„Сигурно моето тело беше во шок бидеќи ја скратив косата. Бев болен, се заразив со некој вирус и изгубив три килограми. Не сме во расправија со управата, разговараме. Тука сум за да помогнам на сите во клубот, на теренот и надвор од него. Така било и така ќе остане“, прокоментира Ибра.

Инаку, Ибрахимовиќ моментално не е најомилен лик меѓу навивачите на Милан поради неговата блискост со сопственикот Гери Кардинале.