По Јувентус и Интер, Реал Мадрид е третиот голем клуб кој ќе помине во изолација во наредните 14 дена.
Кошаркар од првиот тим на Реал Мадрид се заразил со коронавирус, а бидејќи и фудбалерите работат во истиот камп и тие ќе одат во изолација, вклучувајќи ги и оние кои работат во канцелариите на клубот.
„Реал Мадрид информира дека играч од нашиот прв кошаркарски тим е тестиран позитивно на КОВИД-19 коронавирусот. Поради тоа согласно препораките и кошаркарскиот прв тим и фудбалскиот прв тим ќе одат во карантин, бидејќи и двата тима го делат истиот камп. И сите луѓе кои работат во кампот ќе останат во карантин. Натпреварите од кошаркарската Евролига и фудбалската Ла Лига кои беа предвидени за денеска и утре нема да се одиграат“, стои во соопштението на Реал Мадрид.
Ова значи дека Реал Мадрид нема да може да го игра натпреварот од Лигата на шампионите против Манчестер Сити.