Медиумите од Шпанија објавија како реагирал Лука Модриќ на контроверзниот пенал кој го доби Реал Мадрид против Леганес, и Хрватот не можеше да поверува дека судијата покажал на белата точка.
Реал Мадрид со пресврт во второто полувреме го совлада Леганес со 3-2 во саботата, но гостите фрлаа со „дрва и камења“ по судиите и сметаат дека биле оштетени во неколку ситуации.
Еден од спорните моменти е пеналот на стартот од натпреварот по стартот на Оскар врз Арда Ѓулер.
Речиси сите стручни коментатори и поранешни судии кои го анализираат стартот изјавија дека немало најстрога казна, а очигледно ваквото мислење го дели и Лука Модриќ.
Медиумите од Шпанија објавија како реагирал капитенот на Рал Мадрид, кој очигледно не можеше да поверува дека е покажано на белата точка.
„Ова е пенал?“ – праша зачудениот Лука Модриќ. „Кој го направи? Кој го направи“ – продолжи да прашува Хрватот, кој и самиот не можеше да поверува дека судијата свирнал најстрога казна.