Хрватите во шок: Уништен муралот на Модриќ во неговиот роден град! (ФОТО)

Несекојдневна ситуација се случи во Задар каде што беше уништен новиот мурал на Лука Модриќ.

Непознато лице ја исчкртало главата и лицето на легендарниот фудбалер, а освен тоа била оставена и наврледива порака.

„Жал ми е што ова се случи во Задар“, прокоментира Валентино Радман кој го нацрта овој мурал.

За работата да биде уште полоша Задар е родниот град на Модриќ и токму во клубот од овој град ги направи првите фудбалски чекори.

Модриќ е најдобриот фудбалер во историјата на Хрватска со која успеа да освои сребро и бронза на последните две светски првенства.