Екипата на
Работнички против Динамо Минск ќе се бори за влез во третото квалификациско
коло за пласман во групната фаза од Лига Европа, откако лесно ја мина првата
пречка Тре Пене од Сан Марино со вкупен
резултат од 7-0.
Колумбиецот од
редовите на македонскиот претставник, Себастијан Ерера знае каков сериозен противник
има Работнички, но навестува дека и неговиот тим има што да покаже на теренот.
„Дуелите со Динамо Минск се многу посериозен предизвик за
нас. Знаеме дека се работи за квалитетен тим, но веруваме во сопствените
квалитети и се надеваме дека ќе оствариме победа, за да заминеме со предност на
реваншот во Белорусија. Секако, ќе биде многу важно и да не дозволиме да се
затресе нашата мрежа. Тоа е можеби и клучно, кога се играат вакви европски
дуели“, истакнува Себастијан Херера.
Првиот дуел
Работнички го игра на домашен терен на „Тренинг Центарот Петар Милошевски“ во
Куќата на фудбалот во Скопје, во терминот од 18 часот.
Извор/Фото:
fkrabotnicki.com