Тотнем е во
проблеми со повредени фудбалери во својот состав, секако, се издвојуваат Хари
Кејн, како и Деле Али, но, тимот на Маурисио Покетино викендов славеше
минимално со 1-0 на домашен терен против Њукасл, со гол во завршницата.
Шефот на
стручниот штаб на Манчестер Сити, Пеп Гвардиола упати пофалби на сметка на
Тотнем, тим чиј менталитет е да игра до последниот судиски свиреж за победа,
а тој посочи и дека вечерва ќе посакува изненадување во Лондон, каде Вест Хем
на домашен терен го пречекува Ливерпул.
„Тотнем е
неверојатен! Нивниот менталитет е да се борат, и да се борат до последните
минути од натпреварите“ посочи Гвардиола, а потоа истакна и која е неговата
желба за вечерашниот меч помеѓу Вест Хем и Ливерпул.
„Преферирам Вест
Хем да се избори за победа над Ливерпул, тоа секако е мојата желба, но, од
друга страна пак, Ливерпул би преферирал да бидеме поразени од Арсенал,
едноставно, тоа не можам да го контролирам“ заклучи Гвардиола.
Ливерпул во
моментов со меч помалку има два бода предност во однос на Манчестер Сити, следи
Тотнем со четири бода помалку од лидерот во Премиерлигата.